Siglir tar il cuntegn

Header

Il restaurant Trü a Scuol
Legenda: Il restaurant Trü a Scuol RTR, Georg Luzzi
cuntegn

Areal Trü a Scuol Grond resun sin questiunari

470 persunas han respundì a las dumondas dal questiunari distribuì per decider il futur da l'areal Trü.

L’interess è ordvart grond, uschia il president communal Christian Fanzun. Per il vitg da Scuol èsi impurtant da vegnir a savair ils giavischs e quitads quai che pertutga l’areal Trü. E tge che duai capitar en avegnir cun l'areal. Oz sa chatta là in glatsch da patinadi e curling e gist dasperas in restaurant e la stad in bogn avert.

Ina gruppa da lavur incumbensada dal vitg evaluescha ussa ils questiunaris entrads da la populaziun per suttametter lura a la suprastanza communala ina proposta cumpacta. Tut quai vegn a capitar durant la primavaira.

D’atun dal onn passà aveva il vitg envidà la populaziun a differentas sairadas per preschentar ils projects pussaivels:

Ils dus projects

Trü resta Trü

Il project prevesa in lai da bagnar natiral per la stad e pliras attracziuns da sport per il temp d’enviern. Cun ina part da la zona duess vegnir realisà in hotel da sport.

Metamorphosa

Qest project prevesa in hotel per in segment superiur, ina discoteca ed ina clinica da cosmetica per operaziuns esteticas.

video
La vischnanca da Scuol ha orientà davart las ideas per l'areal Trü
Or da Telesguard dals 04.10.2019.
laschar ir

Il resultat dal questiunari duai ussa purtar respostas definitivas per l'areal Trü, nua che la populaziun discuta dapi il 2014 co enavant.

RTR novitads 17:00

Artitgels legids il pli savens

Scrollar a sanestra Scrollar a dretga