Siglir tar il cuntegn

Header

audio
Tge far cun l'areal Trü a Scuol: Ils resultats da la retschertga
Or da Actualitad dals 01.09.2020.
laschar ir. Durada: 02:35 minutas.
cuntegn

Areal Trü a Scuol Trü duai daventar areal d’inscunter e temp liber

A Trü exista oz in bogn avert e d’enviern, in glatsch da patinadi e da curling. Dapi il 2014 discutan ins co vinavant cun l'areal. Il vitg da Scuol ha preschentà l’onn passà differentas variantas e vitiers era distribuì in questiunari. Ils resultats dal questiunari èn ussa enconuschents.

Passa 85% da las persunas che han respundì al questiunari, vesan Trü sco areal d’inscunter e temp liber e betg sco lieu per in grond project d’hotellaria. La populaziun giavischa in lieu d’inscunter per pitschen e grond, cun skatepark e pumptrack – ed ulteriuras purschidas da sport sco per exempel per rampignar e sa divertir.

Il sviluppader d'economia da la vischnanca da Scuol Niculin Mayer ha preschentà ils resultats dal questiunari e differentas variantas per realisar las ideas. La varianta la pli bunmartgada cun sanar l'existent, lura ina revisiun totala cun in parc sco giavischà e per finir la varianta preferida.

Aua tar aua – glatsch tar glatsch

Oz datti in bogn avert a Trü, in bogn cuvert tar la scola e natiralmain il Bogn Engiadina. Tut quests indrizs en in lieu central en vischinanza dal Bogn Engiadina – quai fiss la finamira. A Scuol exista a Trü il glatsch da patinadi e curling ed a Gurlaina la halla da hockey, era qua ins pudess centralisar il sport a Gurlaina.

L’inscunter cun la populaziun è stà per il vitg da Scuol in'ulteriura pussaivladad per palpar il puls. Pass concrets ston ussa vegnir mess sin palpiri, per lura pudair trair ils proxims onns las gistas decisiuns.

RTR novitads 06:00

Artitgels legids il pli savens

Scrollar a sanestra Scrollar a dretga