Arno Parli da S-chanf ha 33 onns e sgola dapi l’onn 2012 sco pilot da helicopter.
La crisa da corona ha manà mai in zic or da la zona da confort.
Il pilot-instructur n’aveva betg pli la massa lavur en Svizra ils ultims mais. In telefonat d'in ami, che ha dumandà, sch’el vul vegnir en Portugal a gidar a stizzar fieu, haja avert differentas novas portas ad el e purtà novas experientschas.
Realisà ses siemi
Durant las pausas dal stizzar fieu vegn Arno Parli adina puspè enavos en Engiadina. Però star enturn e far nagut n'è betg sia chaussa. Perquai ha el realisà in da ses siemis. Daventar turnadur.
Sco anteriur falegnam ha svelt emprendì il mastergn, che deriva oriund da la Germania. Actualmain ha el gia fatg 130 cuppas da tut las grondezzas e furmas. E la passiun al tschiffa adina puspè danovamain.