Siglir tar il cuntegn

Engiadina Art session – cuntrast ad occurrenzas da high society

Il hotel Schweizerhof a San Murezzan envida dapi 3 onns artists da tut ils geners per in emna en l’hotel. Quests lavuran lura vi dad in project da musica u art. La inamira è da porscher in cuntrast a las occurrenzas sco il Polo u il White Turf, che carmalan ina massa glieud èn vischnanca.

Artist vid picturar
Legenda: Artist a San Murezzan In pictur-artist vid la lavur a San Murezzan RTR, V.Rominger

Plinavant vulan ils gestiunaris dal hotel Schweizerhof guardar tge che capita sch’ins metta in artist che deriva da contexts urbans en in lieu sco San Murezzan.

Mund ester per artists da Berlin

Quest onn èn quai Julio Rölle e Sebastian Bagge, dus picturs da Berlin che vegnan oriundamain da la scena da grafits. Lur finamira è d’observar il lieu scurril, sco quai ch’els numnan San Murezzan e d'interpretar el en differentas colurs, furmas e musters.