Ils quatter umens da la Serbia e la Bosnia èn vegnids sentenziads a 43 fin 45 mais praschun. Ultra da quai vegnan tuts bandischads dal pajais per diesch onns, scriva la Südostschweiz.
La Dretgira regiunala Engiadina Bassa / Val Müstair ha tegnì sia sesida en il Sennhof a Cuira. Quai per motivs da segirezza.
Ils quatter laders avevan assaglì armads e mascrads ina bischutaria a Samignun Cumin l’avrigl dal 2018. Els han engulà uras en la valita d’in milliun francs ord la vaidrina da la butia. Gia in di suenter ha la polizia pudì arrestar ils quatter delinquents. Quai grazia in avis ord la populaziun. Trais dad els eran en la valischera d’in auto, il quart aveva la polizia gia arrestà avant.
In dals laders è anc adina en fugia.
audio
Suenter assagl sin bischutaria – Chasti da plirs onns per laders da Samignun
ord Actualitad dals 21.02.2020.
laschar ir. Durada: 55 Secundas.
Ord l'archiv
RTR novitads 12:00
