Scuol è enconuschent per sias funtaunas d’aua minerala ed il Bogn Engiadina. Las funtaunas d’aua minerala eran gia avant varga 100 onns il motiv per il svilup dal turissem en la regiun. Era oz è l’aua fitg impurtanta per il turissem e tut l’economia en la regiun. Saja quai cul Bogn Engiadina, sco aua per far naiv artifiziala, aua per las ovras idraulicas, ils fits d’aua u era aua per sauar la prada.
Sut la batgetta da la fundaziun pro aua minerala organisescha l’organisaziun turistica plirs eveniments durant tut l’emna, sco per exempel referats e discussiuns cul titel «Wellness 3.0 – l’avegnir dal wellness e da la cultura da bogn», «far naiv ed il management d’aua en las muntognas«, «donns da la natira la stad 2016» u era in film davart da la midada dal clima.