En tut las fracziuns da la vischnanca Valsot è l'aua da baiver puspè netta e po vegnir duvrada sco adina. Suenter la gronda plievgia era l'aua vegnida smerdada. Probablamain saja l'aua d'in aual rivada en la tschiffada d'aua, uschia la chanzlia communala.
Pertutgadas èn stadas las suandantas fracziuns:
- San Niclà
- Strada
- Chasura
- Chaflur
- S-chadatsch
- Sclamischot
- Martina
Sco che la vischnanca scriva, saja dentant da derschentar las lingias laschond ir l'aua per tschintg minutas. Filters duain vegnir nettegiads e remplazzads sche necessari.
Dapli infurmaziuns
Aua da baiver puspè netta en Mesocco
Er en la regiun da Mesocco fin San Bernardino pon ins puspè baiver aua senza restricziuns. Quai communitgescha Alertswiss il prim da settember sin sia pagina d'internet. Ils emprims dis suenter la plievgia intensiva era l'aua da diever vegnida tschufragnada ed ins aveva stuì far buglir ella avant che duvrar.
