Audienza privata en claustra – ils Kloten Flyers returnan

Als Kloten Flyers plascha tar las mungias en la Clostra Son Jon a Müstair. Sin viadi a la Cuppa da las Dolomitas a Bulsaun han els visità per la segunda giada tar lur fans fidaivels, questa giada tut privat, senza medias e pressa. En la curt da la claustra han els giudì ina marenda cuminaivla.

Sora Clara Cavigelli ed il chapitani Victor Stancescu. Bild in Lightbox öffnen.

Legenda da maletgs: Sora Clara Cavigelli ed il chapitani Victor Stancescu filosofeschan en la curt da la claustra da Hockey sin glatsch. E. Larcher

La gievgia a mezdi en la Claustra Son Jon da Müstair: il Club da Hockey «Kloten Flyers» fa visita tar las mungias benedictinas. La scuntrada è cordiala. Ils Flyers portan regals e filosofeschan cun las mungias. Las mungias ed ils giugaders da hockey èn vegls enconuschents. Las mungias èn numnadamain dapi onns fans fidaivels dals ‘Kloten Flyers’ e na manchentan betg in gieu da lur team preferì. Perquai che las mungias vivan en ina claustra serrada, n’era quai dentant betg pussaivel dad ir ina giada a guardar in gieu live.

Grazia a l’engaschi dal nev da la priura Domenica era il nunpussaivel daventà realitad l’atun 2013: ils Kloten Flyers eran vegnids en claustra sin visita. En il film «Ora et laborà – ed ils Flyers» ha il redactur Stefan Dobler perpetnisà quest mument.

Laschar ir video «Ora et labora - und die Flyers»

«Ora et laborà – ed ils Flyers»

27 min, Cuntrasts dals 26.1.2014