Siglir tar il cuntegn

Header

cuntegn

Auta liquiditad San Murezzan sbassa la taglia

A la radunanza communala da San Murezzan ha ina clera maioritad sustegnì la proposta dal cussegl communal, da sbassar las taglias sin las entradas e sin la facultad. Quai per 5%, sin nov 55% da la taglia chantunala simpla. La decisiun è crudada cun 185 Gea e 45 Na, tar 7 abstenziuns.

Sco argument da sbassar las taglias aveva la suprastanza communala menziunà en il preventiv, la liquiditad auta che la vischnanca haja il mument. Sche projects gronds vegnian dentant en la fasa da realisaziun, lura na dettia nagut auter che d’auzar la taglia.

Ultra da quai ha la radunanza communala approvà, da laschar la taglia sin immobiglias tar 0,5‰. Cun 235 vuschs Gea e 2 abstenziuns è la radunanza suandada a la proposta dal cussegl communal.

Bella vita a San Murezzan il 2020:

video
Truscha a San Murezzan
Or da Telesguard dals 02.01.2020.
laschar ir. Durada: 4 minutas 9 Secundas.

RTR novitads 17:00

Artitgels legids il pli savens