Siglir tar il cuntegn
Inhalt

Engiadina Autas visitas per set da film «Uorsin»

Il Cusseglier federal Alain Berset ha visità la producziun dal film svizzer il pli char dals ultims onns. La Confederaziun sa participescha era cun 1,4 milliuns francs vi da la producziun che sa basa sin l’istorgia da Selina Chönz ed Alois Carigiet.

Legende: Video Autas visitas per set da film «Uorsin» abspielen. Laufzeit 01:26 Minuten.
Or da Actualitad video dals 23.02.2015.

Il temp da visita en Engiadina è però stà fitg restrenschì. Il minister da cultura ch'è arrivà cun l'helicopter directamain dal «Morgestreich» a Basilea, ha puspè bandunà la val suenter avair visità 2 lieus da filmada.

Per ils producents dal film «Uorsin» signifitga la visita d’in Cusseglier federal ina grond’onur. Era preschenta en l'Engiadina Bassa è stada la directura da l’Uffizi federal per cultura, Isabelle Chassot. Era l'uffizi ha contribuì ina part vi dals custs dal film da total 5,6 milliuns francs. Il film «Uorsin» duai vegnir en ils kinos quest atun.