Siglir tar il cuntegn
Inhalt

Engiadina Auto sa tschenta en aual

A Silvaplauna è in auto da furniziun da la Posta rullà en in letg da l’aua.

auto en in aual.
Legenda: Il vehichel è sa mess en moviment da sez e rullà en l'aual MAD

Ina crana ha stuì trair or il vehichel donnegià. Blessads n’haja da nagins, sco la polizia chantunala ha communitgà.

Tenor la polizia chantunala ha ina postina purtà in pachet en ina chasa a Silvaplauna. Cura ch’ella haja vulì charrar vinavant, na saja l’auto da furniziun betg pli stà davant la chasa. Quel è numnadamain rullà radund 40 meters aval en l’aual Ova dal Vallun.

Plirs passants han gidà la polizia ed il servetsch da depannagi da trair il vehichel ord l’aua. La manischunza è stada sut schoc.

RR novitads 16:00