Siglir tar il cuntegn

Header

Video
Prominenza a Zuoz per festivar il giubileum da la Lia Rumantscha
Or da sil punct dals 02.08.2019.
laschar ir
cuntegn

Avertura uffiziala a Zuoz Ignazio Cassis accentuescha l'impurtanza dal rumantsch

A Zuoz han cumenzà las festivitads en connex cun il giubileum da la Lia Rumantscha. Era cusseglier federal Ignazio Cassis è stà preschent. En in'intervista cun RTR ha Cassis accentuà l'impurtanza dal rumantsch sco part da la cultura Svizra. Tras sia preschientscha a Zuoz veglia el era mussar la renconuschientscha dal Cussegl federal per la lavur prestada da la Lia Rumantscha durant ils ultims 100 onns.

Festa a Zuoz cun passa 80 occurrenzas

Durant las proximas trais fin d'emnas festivescha la Rumantschia ils 100 onns existenza Lia Rumantscha. Lieu da festa è la vischnanca da Zuoz, ch'aveva gudagnà la cursa cunter 12 auter lieus. Il program cun passa 80 occurrenzas
cuntegna ina vasta spierta e tracta mintga di in tema. Las festivitads cuntinueschan fin ils 18 d'avust.

Ignazio Cassis, cusseglier federal, Mario Pacchioli, chantadur che fa part dal program e Johannes Flury, president da la Lia Rumantscha.
Legenda: Ignazio Cassis, cusseglier federal, Mario Pacchioli, chantadur che fa part dal program e Johannes Flury, president da la Lia Rumantscha. RTR, Anna Caprez

RR actualitad 17:00