Siglir tar il cuntegn

Header

video
Babania ad Ardez: il «Bal da la schocca cotschna»
Or da Telesguard dals 09.01.2023.
laschar ir. Durada: 3 minutas 57 Secundas.
cuntegn

Babania Ardez Finalmain puspè ina dretga «Babania»

Suenter dus onns che la «Società da giuventüna Ardez» ha stuì desister da sia «Babania» tradiziunala – ha il «Bal da la schocca cotschna» la sonda saira finalmain puspè gì lieu.

In «Bal da la schocca cotschna» datti oz mo pli ad Ardez. Ma ils davos dus onns ha er la giuventetgna d'Ardez stuì desister da sia «Babania» tradiziunala. L'onn 2023 ha dentant finalmain puspè pudì vegnir lantschà cun la festivitad tradiziunala.

La sonda suentermezdi han 11 giuvnas dal vitg ed il conturn tratg la sort che ha cumandà lur partenari durant la Babania – ina tradiziun ch'aveva pli baud surtut la finamira da manar ensemen pèrs potenzials en il vitg. Suenter èn ellas sa messas ensemen en gruppas per visitar ils giuvens, ch'han stuì engiavinar lur partenaria tschernida da la sort.

In pèr uras pli tard èn ils giuvens - sa vestgids en frac e cilinder - lura vegnids per lur partenarias ch'han purtà lur costum engiadinais. Suenter in apero ed in gir musical tras Ardez – èn ils 11 pèrs allura arrivads en la sala da la scola. Tar quel «Bal da la schocca cotschna» ballan ils pèrs ensemen fin mesanotg.

video
Impressiuns dal «Bal da la schocca cotschna»
Or da Actualitad video dals 08.01.2023.
laschar ir. Durada: 1 minuta 28 Secundas.

Artitgels legids il pli savens

Scrollar a sanestra Scrollar a dretga