Siglir tar il cuntegn

Header

audio
Manaschi puril exemplaric grischun
Or da Actualitad dals 23.09.2021.
laschar ir. Durada: 03:56 minutas.
cuntegn

Bain puril persistent Digitalisaziun e collavurar cun auters è la devisa

Las pretaisas en l’agricultura èn adina pli autas ed i dovria in enorm spagat per accumplir tut las finamiras e giavischs, uschia il pur Samedrin, Gian Peter Niggli. El metta pais en ses bain puril sin l’allevament da vatgas d’angus e la vendita da la charn. E tar tut las lavurs duai vegnir lavurà uschè effizient sco pussaivel.

Datas da GPS

Per spargnar temp, schanegiar ils prads cun damain pais e cun duvrar damain carburant, vegn per exempel il tractor dirigì uss d’in sistem da navigaziun. Quel inditgescha suenter er nua ch’i fa da basegn d’engraschar dapli e nua damain. Sper il metter pais sin meds da digitalisaziun e collavurar cun auters purs, gidia dentant er l’investiziun en la genetica.

Pli vegls ch’ils animals daventan e meglier ch’igl è per il clima.
Autur: Gian Peter Niggli pur da Samedan

Evitar viadis pli lungs è in’ulteriura finamira ch’il bain puril vul cuntanscher en l'avegnir. Uschia na duess era betg vegnir cumprà en pavel d’ordaifer.

La grondezza n’è betg uschè impurtanta tar la vatga, dentant gioga ina gronda rolla che l’animal arriva da sa nutrir be cun erva e fain dals pasculs e da las alps en vischinanza.
Autur: Gian Peter Niggli allevatur da vatgas d'angus

Finalmain quintia era la bilantscha da l’entir bain puril en connex cun las emissiuns da CO2, suttastritga il pur Samedrin.

RTR actualitad 08:00

Artitgels legids il pli savens

Scrollar a sanestra Scrollar a dretga