Siglir tar il cuntegn
Inhalt

Engiadina Balz Müller betg pli rectur dal Lyceum Alpinum Zuoz

Suenter dus onns al timun da la scola media a Zuoz ha Balz Müller demissiunà ses uffizi per la fin da l’onn da scola 2015/16. Quai ha confermà la pledadra dal Lyceum Alpinum Zuoz, Nicole Greuters.

Balz Müller e Karsten Plöger
Legenda: Balz Müller ha demissiunà, Karsten Plöger ha surpiglià la plazza da rectur. mad

Davart ils motivs pertge che Balz Müller ha demissiunà la plazza da rectur a la scola cun radund 300 scolars, na datti actualmain nagin commentar.

Karsten Plöger surpiglia ils frandaivels

Avant curt ha il cussegl administrativ elegì Karsten Plöger interimistic sco rectur dal Lyceum Alpinum Zuoz. El manava fin uss la partiziun internaziunala. Balz Müller vegnia dentant ad instruir vinavant a la scola media en la partiziun da matura, uschia Nicole Greuters.

Surdada d’uffizi gia instradada

Per garantir in midament a la testa dal Lyceum Alpinum che exista dapi 112 onns, hajan Balz Müller e Karsten Plöger gia absolvì cuminaivel tut ils termins impurtants e surdà las lezias.

A partir da l’avust 2016 è Michael Gwerder prorectur al Lyceum Alpinum Zuoz, scriva la scola gia sin sia pagina online.

RR novitads 17:00