Siglir tar il cuntegn

Header

audio
Adina pli paucs bancomats en l'Engiadina Bassa
Or da Actualitad dals 28.06.2022.
laschar ir. Durada: 3 minutas 21 Secundas.
cuntegn

Banca Raiffeisen Dus bancomats damain en l'Engiadina Bassa

Ardez e Susch perdan lur bancomats. La banca Raiffeisen ha decis da demontar els per raschuns da segirtad.

En Svizra hai dà il davos temp adina puspè siglientadas da bancomats da delinquents – e quai cun dinamit. Il bancomat ad Ardez ed era quel a Susch sa chattan en la vischinanza d’abitaziuns u da butias, e perquai ha decis la banca da demontar quels, di il manader da la Banca Raiffeisen Engiadina Val Müstair Thomas Malgiaritta.

Era l’aspect economic è stà in argument

Economisar e mantegnair in bancomat munta blers custs per ina banca. E d'optimar els cun installar cameras da segirezza na rendia betg. Plinavant vegnan ils bancomats duvrads adina damain, perquai che las pussaivladads da pajar a moda electronica èn pli e pli popularas. Oravant tut tar la generaziun giuvna è il Twint fitg derasà – in sistem simpel e svelt. Ozendi datti plinavant la pussaivladad dad empustar raps.

Ils bancomats existan enavant en la vischinanza da las filialas, di il manader da la Banca Raiffeisen Engiadina Val Müstair, Thomas Malgiaritta.

Dus bancomats damain
Legenda: Vi da questa paraid era in bancomat ad Ardez. RTR, Georg Luzzi

RTR actualitad 06:00;

Artitgels legids il pli savens