Siglir tar il cuntegn
Inhalt

Engiadina Bancs digitals – Emprim project sut il num «Arena Engiadina»

Bancs digitals per lung il traject dal maraton da skis engiadinais – bancs ch'infurmeschan davart la purschida turistica. A la radunanza dals presidents da la «Regiun Malögia» è vegnì lantschà l’emprim project sut il num «Arena Engiadina».

L'Engiadin'Ota davent da Muottas Muragl
Legenda: L'Engiadin'Ota davent da Muottas Muragl RTR, Anna Caprez

Bancs da seser che contacteschan cura ch'il sportist u giast s’avischina a quel. Bikers, viandants, sportists sin ils lais ma era passlunghists duessan avair las infurmaziuns necessarias durant ch’els sa movan per lung la val en Engiadin’Ota.

Idea dal project «Arena Engiadina»

Il project optimescha l’infrastructura ch'è gia avant maun e coordinescha ils differents geners da sport. Sin il traject da Malögia enfin S-chanf vegnan creads puncts centrals, uschenumnads HUB’s. Ils HUB’s èn puncts da partenza e d’inscunter per il sportists.

Finanziaziun

Quest project cun il num «Arena Engiadina» vegn sustegnì cun 50% dal chantun Grischun e 50% surpiglian las vischnancas en Engiadin’Ota. Il project vegn a custar radund 160’000 francs. L’emprim project vegn ussa realisà. La conferenza dals presidents da la regiun Malögia ha dà glisch verda per quest emprim project.

RR actualitad