Siglir tar il cuntegn

Header

Ufficials tar la surdada da la bandiera da la Fis a San Murezzan
Legenda: Bandiera da la Fis per campiunadi mundial da skis a San Murezzan Ils uffizials tar la surdada da la bandiera da la FIS: Hugo Wetzel (2. da san.) e Sarah Lewis da la Fis (3. da san.) RTR/D. Spinnler
cuntegn

Engiadina Bandiera da la Fis a San Murezzan

La bandiera da la FIS per il campiunadi mundial da skis 2017 penda a San Murezzan

Ils organisaturs dals campiunadis mundials da skis 2017 a San Murezzan han tratg si la bandiera uffiziala da la Federaziun internaziunala da skis FIS per il campiunadi mundial 2017. Hugo Wetzel, il president dals campiunadis mundials a San Murezzan ha ditg, che San Murezzan possia esser superbi dad avair questa bandiera en il vitg. I saja stà ina gronda lavur da pisserar che San Murezzan possia organisar ils campiunadis mundials da skis 2017. Preschents a San Murezzan èn era stads represchentants da la FIS, dals campiunadis mundials a Vail-Beaver Creek da l'enviern passà e dals campiunadis mundials 2019 ad Are en Svezia.

Schaltegger schef da medias

Ils organisaturs dals campiunadi mundials 2017 han en pli communitgà che Daniel Schaltegger è il schef da medias per il campiunadi mundial. Schaltegger è actualmain manader da gestiun da Golf Engiadina San Murezzan. El era già en il team da communicaziun per ils campiunadi mundials a San Murezzan il 2003.

Artitgels legids il pli savens

Scrollar a sanestra Scrollar a dretga