In barat che las pendicularas fan per salvar la Lagalb.
Decisiun difficila
I na saja betg stada ina simpla decisiun, da vender la Diavolezza per salvar la pendiculara Lagalb uschè il president dal cussegl administrativ da la Engiadina San Murezzan Mountains SA, Luis Wieser. Per amur da tut la regiun hajan ils commembers dal cussegl dentant ditg gea a la cunvegna cun la Piz Nair SA.
La decisiun da vender da Diavolezza saja en la cumpetenza dal cussegl administrativ. Ina decisiun dals acziunaris n'è betg necessaria ha ditg Luis Wieser. Auter vegn quai ad esser tar la Piz Nair SA. La vegn la radunanza generala anc a decider davart la cunvegna.
Enfin primavaira 2017 tut sco fin ussa
Il barat duai lura esser sut tetg la primavaira 2017. Quest ‘enviern vegn mintga pendiculara anc gestiunada sco fin ussa. Il temp vegn duvrà era per renovar tut ils contracts da fabrica cun las vischnancas involvidas ha ditg Luis Wieser.