Christoph Reutlinger il reverenda refurmà da la vischnanca da Valsot ha constatà durant ses nov onns ch’el abita a Ramosch ina diminuziun da la populaziun refurmada da radund 10%. Plinavant bandunian ils giuvens la val e la generaziun veglia che vegniva pli savens a pregia, quella moria plaunet ora.
La pregia è bella era cun paucs participants
Il reverenda da Valsot sa prepara minuziusamain sin mintga pregia, era sche quella vegn frequentada cun mo dus u trais participants e participantas.
Ins bada mintga giada ina atmosfera e profunditad, qua capita insatge bel – e nus tuts vegnin a bandunar la baselgia cun in auter sentiment suenter la pregia.
Nagina nauscha conscienza
Il reverenda na fa betg statistica da participaziun. El sa legra da mintgina e mintgin ch’el inscuntra, saja quai en baselgia u era sin via u tar festas sco Nadal, confirmaziun, nozzas e bataisems u autras occurrenzas da la vischnanca.
audio
Baselgias vidas: Expreientschas dal reverenda Christoph Reutlinger
ord Actualitad dals 23.02.2022.
laschar ir. Durada: 2 minutas 42 Secundas.