Battaisem dal «Magliadrun»

A Maria Stein en l’Austria è vegnì battegià ina da dus maschinas da perfuraziun per la construcziun da la galaria da l’ovra electrica cuminaivla En, in project tranter las ovras electricas d’Engiadina e las ovras electricas dal Tirol.

Laschar ir video «Battaisem dal «Magliadrun»»

Battaisem dal «Magliadrun»

2:13 min, Actualitad video dals 3.8.2015

Tut è pront per la fasa decisiva da l’ovra electrica cuminaivla En. Quai han ils responsabels dal project declerà a chaschun dal battaisem. Per construir la galaria che collia l’enchaschament èn vischinanza dal vitg a Fuond cun la centrala a Prutz, perforan durant ils proxims 22 mais dus maschinas da perfuraziun in toc da radund 20 kilometers lunghezza.

Las lavurs èn prevesidas dad entschaiver sin il pli tard in settember da quest onn. L’ovra electrica vegn a custar radund ina mesa milliarda euros. Ella vegn prendida en funcziun il pli baud l’onn 2018 e producescha forza per bun 90’000 chasadas.