L’ovra electrica Martina è dapi il 1994 en funcziun e dovra ina renovaziun parziala pli vasta. Quellas lavurs duessan vegnir fatgas durant ils mais schaner fin mai dals onns 2017 e 2018. Las Ovras Electricas d’Engiadina fan quint cun custs da radund 4 milliuns francs.
Renovaziun vasta
Las OEE prevesan la revisiun da las 2 turbinas e clappas da fermada sco era la revisiun dals generaturs. Cun quai vul ins garantir in manaschi segir ed economic da l'ovra per ils proxims 25 fin 30 onns.
Pauca concurrenza
Ussa èsi enconuschent che la BKW Engeneering cun sez a Berna ha survegnì l’incumbensa da lavur. La cuminanza da lavur cun la BKW Engeneering era l’unica interessenta. Sco che la BKW scriva saja quai era causa ils giavischs fitg specifics da las OEE.