Siglir tar il cuntegn
cuntegn

Engiadina Be pli in gea per realisar la nova regiun Malögia

La radunanza communala da la vischnanca da Puntraschigna ha approvà ils statuts da la regiun Malögia. Igl è la 6avla vischnanca en l'Engiadina Ota ch’ha approvà ils status. Per pudair realisar definitivamain la nova regiun, dovri dentant anc il gea d'ina ulteriura vischnanca.

Vista sin Malögia ed ils lais: La regiun Malögia po vegnir realisada.
Legenda: Vista sin Malögia ed ils lais: La regiun Malögia po vegnir realisada. RTR, F. Belotti

Sco quai che la vischnanca da Puntraschigna ha communitgà, han ussa 6 da 12 vischnancas en l’Engiadina Ota approvà ils statuts da la regiun Malögia. Per pudair realisar la regiun Malögia dovria dentant ina maioritad da las vischnancas, uschia ch’anc in’ulteriura vischnanca sto approvar ils statuts.

Fin ussa han sper Puntraschigna er la vischnanca da Bever, Schlarigna, Samedan, Segl e Zuoz approva ils statuts da la nova regiun Malögia.

Quint equilibrà

Il pensum per il president communal duai vegnir engrondì da 50 sin 80 pertschient. Er la midada da la lescha da persunal è vegnida approvada unanimamain, scriva la vischnanca da Puntraschigna.

Il quint dal 2014 serra equilibrà tar expensas da circa 27 milliuns francs. Budgetà era in deficit da circa 2 milliuns francs. Las entradas supplementaras vegnan da gudogns sin venditas da sulom e midadas dal possess.

RR novitads 10:00