Siglir tar il cuntegn

Header

cuntegn

Engiadina Be pli ina plaiv evangelica en Engiadin’Ota?

Dapi 3 onns lavuran 40 persunas vi da quest project – d’unir tut las 8 plaivs. La votaziun duai avair lieu l’onn che vegn. Ils proxims mais vegn il concept preschentà als commembers da las plaivs. Quai cun in bun sentiment, di Roman Bezzola, il manader dal project.

audio
Bunura: Plans per fusiun da tut las plaivs refurmadas en Engiadin'Ota
ord Actualitad dals 15.10.2015.
laschar ir. Durada: 3 minutas 45 Secundas.

Unir tut las plaivs vuless dir che la structura actuala, «il Binsaun», vegniss remplazzà. Quai fiss il proxim pass, di Roman Bezzola. Il Binsaun è dapi il 2001 l’organisaziun da tetg da las plaivs, mintgina è dentant restada autonoma - quai sa midass.

I dess be pli ina suprastanza, be pli ina cassa ed in unic pè da taglia. Las purschidas ed ils servetschs da la baselgia evangelica duain uschia vegnir rinforzads. Las sinergias vegnissan duvradas e rinforzassan uschè la nova plaiv.

Votaziuns da consultaziun

En las proximas emnas vegn il concept per l’emprima giada preschentà a la populaziun. A mintga saira d’infurmaziun ha lieu ina votaziun da consultaziun da las singulas 8 plaivs. L'ultima ha lieu in schaner 2016 a San Murezzan. Lasuenter sa la gruppa da lavur vi da tge ch’ella è. Finamira è tenor Roman Bezzola da votar proxim onn davart la dumonda: unir las 8 plaivs ad ina gronda, gea ni na?

Artitgels legids il pli savens