Siglir tar il cuntegn

Engiadina Belvédère Hotels cumpran l’edifizi da l’anteriur Coop a Scuol

Sin la proxima stagiun d’enviern avra in center da butias en las localitads da l’anteriur Coop a Scuol.

Ils Belvédère Hotels Scuol cumpran l'anteriur edifizi dal Coop.
Legenda: Anteriur Coop Scuol Ils Belvédère Hotels Scuol cumpran l'anteriur edifizi dal Coop RTR, R. Mayer

Dapi quasi 1 onn èn las localitads da l'anteriur Coop serradas. Cun ina butia da sport, in bistro ed ina butia cun trofeas da selvaschina duai il stradun a Scuol puspè daventar pli attractiv.

Tenor ina communicaziun dals Belvédère Hotels duess cunzunt la butia da sport esser in augment da valur per ils giasts da la gruppa Belvédère Hotels. Las butias prendan a fit las localitads e las gestiuneschan sin agen quint. Il pretsch da cumpra n’è betg vegnì communitgà.