Siglir tar il cuntegn
Inhalt

Engiadina Benzin en il sang

Claudio Enz da Bever (26) passenta sper sia lavur sco mecanist era tut ses temp liber cun autos. Era sch'ils models talians tar ils oldtimers han prioritad tar el - in eveniment sco il British Classic Car Meeting na manchentass el mai. Tals autos na ves'ins numnadamain uschiglio betg sin via.

Claudio Enz.
Legenda: El ha benzin en il sang - Claudio Enz. S.Engel

Autos en la valur da tranter 300 e 400 milliuns francs èn stads exponids questa fin d'emna a San Murezzan lung la Via Serlas. La via luxuriusa a San Murezzan è daventada anc pli luxuriusa ed ha attratg blera glieud. Fans d'autos. Persunas sco Claudio Enz cun benzin en il sang – cun quel saja el naschì.

130 autos èn sa participads a la 23avla ediziun dal British Classic Car Meeting. Tranter els models dal temp avant la guerra, models pli novs u ils classics oldtimers da las marcas Bentley, Aston Martin u Jaguar. Per fans d'autos in paradis. Era per Claudio Enz ch’è mecanist e fanaticher per oldtimers.

RR actualitad 08:00