En il territori dal Bernina è sa disgrazià in alpinist sin ina tura cun gianellas. L’accident saja capità ier da mezdi, ha communitgà la Polizia chantunala.
Ils conjugals tudestgs eran sin ina tura en il territori da l'Alp da Buond. L’um da 81 onns haja traversà ina punt e saja glischnà or e silsuenter crudà radund dus meters en in aual. Malgrà la reanimaziun immediata entras il servetsch da salvament Diavolezza/Lagalb ed in'equipa da la Rega saja l'um anc mort en il lieu. Sia dunna, ch'era entras sias stentas da salvament bletscha e sfradentada saja vegnida sgulada en l’ospital regiunal a Samedan.
La Polizia chantunala investighescha il motiv exact da l'accident.
RTR novitads 09:00