Siglir tar il cuntegn

Header

glieud cursa da skis
Legenda: L'euforia pudess esser anc meglra durant las cursas dal final dal cup mundial a San Murezzan mad
cuntegn

Engiadina Betg anc la gronda euforia tar il public si Salastrains

Malgrà las cundiziuns optimalas che regnan durant las cursas da skis a San Murezzan, manca il propi grond fieu sin las tribunas ed enturn l’arena d’arriv dal final dal cup mundial.

Era sch’ils moderaturs emprovan da las tuttas da motivar la glieud en il public da sa legrar per e cun ils atlets en l’arena, n’èn las emoziuns betg cumparegliablas cun situaziuns en auters lieus da skis. Entant che passa 20’000 fans eran preschents quest onn ad Adelboden per il slalom gigantesc, quintan ils organisaturs da San Murezzan cun radund..... persunas ch’èn rivadas sin l’arrivada da las cursas da skis a Salastrains.

Sin muntogna e betg giu la val

Ina da las raschuns è tenor plirs aspectaturs, che l’arriv da las cursas sa chatta sin la muntogna e betg entamez San Murezzan. Uschia vuli ina logistica pli speziala per rabagliar la glieud fin tar l’arena Salastrains enstagl da pudair beneventar ils stars da la scena da skis en vischnanca.

Autra mentalitad

Adina puspè aud ins era dals fans ch’ils svizzers sajan en sa sez betg las persunas ch’èn bunas da manar buna luna ed atmosfera da festa tranter il public. Ch’i vul anc autra glieud che riva da fascinar ed infizar els cun il fieu per la chaussa. Perquai saja in mix d’internaziunalitad sin las tribunas gia in grond agid per avair ina bun’atmosfera tar las cursas da skis, uschia ils giasts che han visità las cursas dal cup mundial a San Murezzan ils ultims dis.

Betg pli stagiun auta in Engiadina

Era il fatg che las cursas dal final han lieu vers la fin da la stagiun d’enviern, durant l’emna, gioga tenor il schef da medias Daniel Schaltegger ina gronda rolla. Ils indigens èn a lavur ed il temp da vacanzas per ils giasts è era passà.

Champiunadi mundial attira

En vista al champiunadi mundial da skis proxim onn in Engiadina sa preschenta la situaziun lura auter. Quel ha lieu entamez la stagiun auta dals 6-19 da favrer 2017 e per las cursas spetg ins sco gia tar l’ediziun dal 2003 en tut bun 170’000 aspectaturs.

Pli simpel da motivar e fascinar per ina chaussa èn ils uffants. Apaina ch’ils scolars indigens èn arrivads en l’arena da Salastrains, s’ha l’atmosfera midada cumplettamain.

Artitgels legids il pli savens

Scrollar a sanestra Scrollar a dretga