Siglir tar il cuntegn

Engiadina Betg in «musical» – ina «show da musica» a Ftan

Per preschentar il musical «Mamma mia» n'avess l'Institut Otalpin betg la lubientscha – ma per ina show da musica cul num «Mamma mia!» bain.

Scolaras e scolars sin plazza davant la scola, a dretga il prospect da recloma
Legenda: Las scolaras e scolars sa preparan sin la show da musica cul nom Mamma mia RTR, Georg Luzzi

Mamma mia! – quai musical da l'onn 2008 e vegnì preschentà en tut las grondas citads dal mund e milliuns han vesì e tadlà l’istorgia da la mamma che viva cun sia figlia sin in'insla Greca. La musica per quai musical vegn da l’enconuschenta gruppa da pop ABBA.

Uniuns u gruppas da teater che vulan preschentar il musical ston dumandar per in permiss. Ina da las premissas è la professiunalitad, sulettamain uniuns da professiun retschaivan in permiss. Ina show da musica n’è betg il medem.

Ina show da musica n’è betg in musical

L’Institut Otalpin Ftan preschenta tuttina l’istorgia. La gronda differenza è ch’els preschentan ina show e betg in musical. Las scolaras ed ils scolars han scrit sezs il text. Per part en rumantsch ed englais, lura han els era studegià in’atgna choreografia. La differenza da l'original è memia gronda perquai na datti nagins problems cun permiss.

In project ideal per l'Institut Otalpin

Per la directura Elisabeth Steger Vogt è quest in project ideal betg mo per las scolaras e scolars ma era per l’institut. Cun ina producziun en rumantsch ed englais han ins la pussaivladad da demonstrar bain l'internaziunalitad da l'Institut Otalpin a Ftan.

RR actualitad 17:00