Siglir tar il cuntegn

Header

cuntegn

Engiadina Betg pli senza flottaders sin lais d’Engiadina'Ota

La segirtad sin ils lais da l’Engiadin’Ota è augmentada dapi quest enviern. En l'Engiadina datti a partir dad immediat duas novas maschinas da far pista cun flottaders ed equipament spezial per ils maschinists.

Ultra da quai èn ils maschinists, che lavuran cun quella maschina sin in lai vegnids scolads specificamain e l' equipament sin la maschina è nov. Mintgin porta uss in cular da salvament, in satg da salvament ed ina suga cun sai.

Consequenzas suenter accident

Ils 11 da favrer 2015 è capità in accident tragic sin il lai da Silvaplauna. Ina maschina da far pista era rutta tras il glatsch ed era sfundrada sin 52 meters profunditad. Il maschinist giuven è mort. In accident, che na dastgia mai pli capitar, di la polizia chantunala sco er ils uffizis pertutgads.

Nova vestgadira duai era gidar

L’equipament sin las maschinas da far pista è spezialisà ed ils maschinists han survegnì scolaziun, co ch’els duain sa cuntegnair en cas ch’els crodan en l’aua fraida. Nov è era che tut ils maschinists portan in vestì setg, cura ch’els van per las emprimas giadas sin in lai a lavurar.

En l'Engiadina datti a partir dad immediat duas maschinas pitschnas da far pistas cun flottaders, uschènumnads «Schwimmers» novs. Senza quels, na pon ins betg pli ir sin in lai.

Artitgels legids il pli savens

Scrollar a sanestra Scrollar a dretga