Causa ch’ins sa budgetar bain e magari exact las sortidas ch’èn prevesidas per in onn, è la situaziun tar las entradas main simpla da giuditgar. Perquai na poss ins era betg valitar co che la situaziun finanziala vesa ora precis per ils proxims 5 onns. Il pe da taglia duai però restar per il proxim onn tar 80% recumonda la suprastanza.
Sanaziun plazza communala Bever
Suenter ch’ils votants avevan sbittà il credit d’investiziun per sanar la plazza communala avant dus onns, preschenta la vischnanca uss trais variantas. Ubain ina soluziun cumpletta cun ina fermativa da bus per 290’000 francs, ina varianta pli redimensiunada (senza fermativa da bus) per 255’000 francs u simplamain ina sanaziun simpla da la plazza per 25’000 francs.
La radunanza communala da Bever ha da decider ils 27 da november 2015 in chaussa.