Il cumenzament d'avrigl ha la media da chasa communitgà a la vischnanca da Bever ch’ella saja sfurzada da bandunar la pratica en chasa communala. E quai a partir dal cumenzament da matg. La vischnanca ha gì da reagir.
Gestiun garantida fin la fin da zercladur
Cun la Poliklinik St. Moritz AG ha la vischnanca da Bever chattà a curta vista in partenari che garantescha la gestiun da la pratica fin la fin da zercladur.
Proposta na a favur da Bever
Per gestiunar vinavant la pratica da medi, avess tenor infurmaziuns da la presidenta communala da Bever, la Poliklinik St. Moritz AG pretendì che la vischnanca stuessia surpigliar las renovaziuns necessarias. Ma betg be la renovaziun, era il fit per la pratica da medi na levia l’interpresa betg pajar.
-
Bild 1 von 1. Selina Nicolay. presidenta communala da Bever. Bildquelle: RTR.
Il cussegl communal vul fabritgar ina abitaziun
Per la vischnanca fiss la proposta stada colliada cun in sforz finanzial. Il cussegl communal è perquai sa decidì per in’autra varianta. Quella na duai betg pli cuntegnair la renovaziun da la pratica da medi, mabain remplazzar quella cun ina abitaziun da quatter stanzas e mez. La proxima radunanza communala duai decider, scha ella less dar il credit necessari per questa mesira.