Biblioteca sin in meter quadrat a Guarda

Il tema n'ha betg midà, pli baud communitgav'ins en las cabinas da telefon. Ussa è la cabina emplenida cun communicaziun en furma da cudeschs.

Laschar ir video «La cabina da telefon cun nova funcziun»

La cabina da telefon cun nova funcziun

2:12 min, dals 23.12.2016

Crimis, biografias, alpinissem, cuschinar, poesias, da tutta sort e per mintgin. Singuls cudeschs èn perfin deditgads a la cabina da cudeschs a Guarda.

L’idea

Ina veglia cabina da telefon è vegnida fabritgada enturn en ina pitschna biblioteca da quasi 1 meter quadrat. Guarda è ina vischnanca senza biblioteca. Cun questa nova purschida dastgan indigens e giasts manar, barattar o simplamain prender in cudesch ord la cabina da cudeschs.

L’inizianta è l’indigena Flurina Badel e ses marus, ensemen cun differentas amias ed amis che aman la litteratura.