12 artistas ed artists da tut las regiuns linguisticas da la Svizra èn sa fatschentads cun la Val Bregaglia ed han creà differentas ovras artisticas. Quellas èn exponidas durant tut la stad en vischinanza da Nossa Dona e la serra da vallada Lan Müraia sur Promontogno en Val Bregaglia. Edifizis architectonics marcants ord ils temps romans che tutgan sper la villa da la barunessa Castelmur tar il vitg da Promontogno ed èn da grond’impurtanza per la Val.
audio
Biennale Bregaglia a Promontogno sut tschiel avert
03:20 min, ord Actualitad dals 23.09.2020.
laschar ir. Durada: 3 minutas 20 Secundas.
Inspirà dal lieu
L’exposiziun d’art Biennale Bregaglia n’è betg l’unica exposiziun sut tschiel avert. Tuttina sa differenziescha ella dad autras. Tenor il president da l’associaziun projects d’art in Val Bregaglia, Davide Fogliada, èn tar quest’exposiziun numnadamain vegnidas creadas las ovras directamain al lieu e betg en ils ateliers dals artists. Ils artists sajan vegnids a visitar il lieu, han laschà s'inspirar ed han creà lur ovras.
Ils artists èn sa fatschentads cun la Val, la lingua, la Geografia e l’architectura da la Bregaglia ed han creà ovras adattadas a la natira da la Bregaglia.
1 / 8
Legenda:
La baselgia e la tur Nossa Dona
RTR, Selina Camichel
2 / 8
Legenda:
La Villa da vacanzas da la barunessa Castelmur
RTR, Selina Camichel
3 / 8
Legenda:
Alex Dorici da Lugano ha creà ina sculptura da metall cotschna ed ha plazzà quel artg sco passagi da ils mirs Lan Müraia.
RTR, Selina Camichel
4 / 8
Legenda:
Questa stgala da lain, fatga da Roman Signer da l'Appenzell, lascha vesair l'emprima giada en il dadens da la tur.
RTR, Selina Camichel
5 / 8
Legenda:
Las ballas da fain da Not Vital paran d'esser dretgas.
RTR, Selina Camichel
6 / 8
Legenda:
Quest crap n'è betg natiral. Anita Zumbühl, l'artista da Sutsilvania sa ha fatschentà cun la natira dal lieu ed ha creà quest'ovra
RTR, Selina Camichel
7 / 8
Legenda:
Singulas ovras èn er plazzadas dadens. Sco questa flauta creada ord in mutagl, creada da Sonja Feldmeier da Turitg.
RTR, Selina Camichel
8 / 8
Legenda:
Asi Föcker da Luzerna ha fatg in'installaziun da spievels che laschan reflectar la glisch dal sulegl.
RTR, Selina Camichel
Biennale Bregaglia
Avrir la boxSerrar la box
La Biennale Bregaglia ha lieu fin l’onn 2024 trais giadas en la Val Bregaglia.
L’exposiziun da quest onn dura anc fin ils 27 da settember enturn la baselgia Nossa Dona e la serrada da la vallada Lan Müraia sur il vitg da Promontogno.
