Biera da la biosfera – la nov’idea da la Biera Engiadinaisa

Far biera è ina chaussa, vender ella cun success in’autra. La Biera Engiadinaisa tschertga partenaris indigens per vender sut il motto 'esser regiunal'. Cun la Biosfera Weizen ha ella chattà il partenari ideal.

Il nov product 'Biera Biosfera Weizen'. Bild in Lightbox öffnen.

Legenda da maletgs: Il nov product 'Biera Biosfera Weizen'. RTR / Georg Luzzi

La biosfera Val Müstair è il mument en ina crisa. Era il quart directur ha tratg il chapè e ditg a revair. Quai para dentant betg dad esser in problem per la 'Biera Engiadinaisa'. Ils problems interns da l'organisaziun da la Biosfera na tanghieschan betg la bun’idea da questa collavuraziun, dì il manader da fatschenta Reto Rauch.

Saira: Biera da la Biosfera

1:55 min, Actualitad dals 14.12.2016

Biera Biosfera Weizen

La clera finamira da la 'Biera Engiadinaisa' è da producir ina biera cun products indigens. Cun quest concept èn els unics. Per la prima giada deriva il furment dal Grischun, numnadamain da la Val Müstair.

La biera Biosfera Weizen vegn per la prima giada la primavaira 2017 sin il martgà e vegn distribuì da la firma Coop. Natiralmain spera il manader da fatschenta da pudair vender quella biera er anc a la restauraziun indigena.

RR actualitad 17:00