Siglir tar il cuntegn

Header

cuntegn

Engiadina Biera Engiadinaisa: redublà la producziun

La Biera Engiadinaisa ha producì 1'200 hectoliters biera l'onn 2015. Tuttina resulta in deficit.

audio
Bunura: Biera Engiadinaisa cun suczess
ord Actualitad dals 23.05.2016.
laschar ir. Durada: 3 minutas 30 Secundas.

La Biera Engiadinaisa ha producì 1'200 hectoliters biera l'onn 2015. L'onn 2014 eran quai anc passa 600 hectoliters. Quai malgrà che la Biera Engiadinaisa ha fatg ina midada da Tschlin a Martina la fin dal 2015, en ina chasa da producziun bler pli gronda.

Gist questa midada ed era la midada dal maister bierer han era chaschunà custs supplementars. Perquai di il president dal cussegl administrativ Andrea Gilli en vista a la radunanza generala ch'i haja era dà in deficit da radund 44'000 francs empè d'in gudogn, malgrà la producziun auta.

Avegnir cun success

Uss hajan ins dentant fatg ils pensums, di Gilli. La producziun saja moderna ed effizienta, la lavur per la vendita saja professiunala e la liquiditad da l'interpresa saja buna. Per pudair investir era en avegnir en las chaussas necessarias vul la Biera Engiadinaisa augmentar il chapital d'aczias per 275'000 francs sin 1,5 milliuns francs. Uschia spetga Gilli lura era buns resultats finanzials per la Biera Engiadinaisa per ils proxims onns.

RR actualitad 07:00

Artitgels legids il pli savens