Bieraria da Tschlin vul far midada

La Bieraria Tschlin SA ha plaun a plaun cuntanschi ses limit da producziun. Per pudair furnir era en l’avegnir avunda biera, stuess il stabiliment actual vegnir engrondì ubain il lieu da producziun vegnir spustà.

Laschar ir video «Bieraria da Tschlin vul far midada.»

Bieraria da Tschlin vul far midada.

3:41 min, Actualitad video dals 21.8.2015

Ils ultims onns è s’augmentada la dumonda da la biera da Tschlin uschè ferm, ch’i na saja betg pli pussaivel da producir en l’avegnir avunda biera en las localitads actualas, quai tenor Reto Rauch, il mainagestiun da la Bieraria Tschlin SA.

Ina pussaivla soluziun fiss che la vischnanca da Valsot cumprass la chasa da las Ovras Electricas d’Engiadina a Martina per radund 630’000 francs e la Bieraria Tschlin prendess a fit quellas localitads.

Stabiliment da las Ovras Electricas d'Engiadina a Martina. Avrir maletg en lightbox.

Legenda da maletgs: En quai stabiliment a Martina pudess en l'avegnir la Biera Engiadinaisa vegnir producida. RTR, D. Müller

Questa soluziun vess dad ina vart il grond avantatg che las localitads fissan grondas avunda per producir era en l’avegnir la quantitad da biera giavischada. Da l’autra vart fiss uschia era schlià il problem d’access, perquai che la chasa a Martina sa chatta gist sper la via chantunala.

Suveran decida ils 28 d'avust

Glindesdi, ils 24 d’avust, datti a Tschlin ina infurmaziun ed ils 28 d'avust ha il suveran da Valsot lura da decider areguard quest credit. Sch’il suveran da Valsot acceptass la dumonda da credit fiss la midada prevesida anc quest onn.

RR novitads 17.00