Siglir tar il cuntegn

Header

Curridurs sin viadi al Bikemaraton
Legenda: Curridurs sin viadi al Bikemaraton Dominik Täuber
cuntegn

Bike-Maraton dal Parc Naziunal Rutas alternativas a partir da quest'onn

En cas da trid’aura porscha il Bike-Maraton rutas sut 2’000 meters sur mar. Quai sco consequenza da las malauras dals onns passads.

Radund 2'000 bikers sa participeschan onn per onn al Bike-Maraton enturn il Parc Naziunal Svizzer. Adina puspè han ins stuì interrumper u scursanir ils trajects previs, quai causa malauras e temperaturas fraidas sin il aut.

Rutas alternativas

Ussa ha il comité d’organisaziun reagì e prevesa rutas alternativas sut 2’000 meters sur mar. Empè dal traject «Vallader» da Scuol enfin Scuol, sur Costainas, Döss Radond ed Alpisella d'oravant tut il pass Chaschauna sin 2’700 meters sur mar, datti l’alternativa Scuol enfin Zuoz ed enavos, 110 kilometers. Per la cursa «Jauer» ins prevesa il start a Zernez enfin Zuoz ed enavos a Scuol. Unic la cursa «Putèr» restass sco original.

Cun questas mesiras vul il comité d’organisaziun metter a disposiziun rutas segiras e pussaivlas da realisar era cun in midament da l’aura a curta vista.

RTR novitads 17:00

Artitgels legids il pli savens

Ir a sanester Ir a dretg