Bike-Maraton: Emprendì or dal debachel

Ils organisaturs dal Bike-Maraton han evaluà la cursa enturn il Parc Naziunal Svizzer. Cun 2'247 mountainbikers è quella cursa la pli gronda ed impurtanta da la Svizra. Quai demussa era il fatg che la cursa è vegnida valitada per il campiunadi svizzer.

Il bike maraton 2017 enturn il Parc Naziunal, curridurs en collona Bild in Lightbox öffnen.

Legenda da maletgs: Il bike maraton 2017 enturn il Parc Naziunal Dominik Täuber

Ma betg tut ha funcziunà optimal. La mesiraziun dal temp ha chaschunà rumpatesta.

Midaments per il 2018

  • La firma MSO-Chrono vegn remplazzada cun il vegl partenari, numnadamain la firma Datasport.
  • L'organisaziun a S-chanf vegn optimada, il traject «puter» ha gì in augment marcant da ciclistas e ciclists ils ultims onns.
  • Il «Kids Race» ha lieu gia in di avant la gronda cursa, quai per promover l'attenziun e per dar la pussaivladad als giuvens da sa participar era a la cursa ordinaria.

Betg sutvalitar ils fenomens natirals

Ils urizis e las bovas sin il traject, oravant tut en la regiun da la Val S-charl, dattan da discutar. Il comité d’organisaziun vul perquai sa fatschentar cun variantas respectiv trajects alternativs, per segirar era en l'avegnir ina cursa segira ed attractiva.

RR actualitad 17:00