Siglir tar il cuntegn

Header

audio
Mezdi: Sfida logistica al Bikemaraton
Or da Actualitad dals 29.08.2019.
laschar ir. Durada: 02:54 minutas.
cuntegn

Bikemaraton Parc Naziunal Soluziun da transport è ulteriura sfida per organisaturs

Cun quai che l’interrupziun dal traject da la Viafier Retica en Engiadina Bassa dura fin ils 6 d’october 2019, ha il comité d’organisaziun dal Bikemaraton Parc Naziunal gì da reagir areguard il transport. Nov vegnan ils radund 500 participants da la cursa «putera» manads cun bus e camiuns da Scuol fin a la partenza a S-chanf. La cursa parta per consequenza pir a las 12:30.

Suenter las malauras da l’onn passà, nua che la cursa ha gì da vegnir scursanida, datti entant in uschenumnà plan B per cas sumegliants.

Nus sperain ch’il traject alternativ resta en la chaschutta!
Autur: Claudio Duschlettapresident Bikemaraton Parc Naziunal

Areguard l’aura, na fetschia el nagins quitads quest onn, uschia il president da l’organisaziun. Fin uss na saja betg da far quint cun blera precipitaziun. Dentant hajan ins adina da tegnair en egl tut ils trajects da las 4 differentas cursas. Grazia al sustegn da vischnancas ed ils radund 450 voluntaris fiss dentant tut pront per reagir er a curta vista.

Radio Rumantsch al Bikemaraton Parc Naziunal:

Il Radio Rumantsch rapporta la sonda (31-08-19) avant mezdi adina puspè live da las quatter differentas cursas:

  • «Vallader» (137 km) Scuol – Scuol
  • «Jauer» (103 km) Fuldera – Scuol
  • «Livignasco» (66 km) Livigno – Scuol
  • «Putèr» (47 km) S-chanf – Scuol

E cun in'ura sportiva: cun resultats, vuschs e reacziuns tranter las 12:00 e las 13:00.