La Banca Raiffeisen Engiadina Val Müstair ha fatg l’onn passà dapli gudogn ch’anc il 2020. Il gudogn saja s’augmentà per 2% sin 867'282 francs. Las fatschentas ipotecaras sajan s’augmentadas per 7,5%. Sco raschun numna la banca en ses rapport annual ils tschains bass e l’activitad da construcziun. Quest augment demussia la stabilitad da l’interpresa.
La banca occupescha en tut 39 persunas en sis filialas en l’Engiadina, la Bregaglia e la Val Müstair.