Siglir tar il cuntegn
Inhalt

Engiadina Bischutaria a Samignun – danovamain rut en

En ina bischutaria a Samignun han nunenconuschents puspè rut en. Sco quai che la Polizia chantunala scriva, han ils laders bunamain svidà dal tut la fatschenta. Entrads sajan ils laders cun sfratgar l'entrada cun in vehichel.

Legende: Video Rut en per la terza giada en bischutaria a Samignun abspielen. Laufzeit 01:56 Minuten.
Or da sil punct dals 16.08.2018.

Curt suenter las quatter la damaun ha la Polizia chantunala survegnì l'alarm, ch'i saja vegnì rut en a Samignun.

Abitants dal quartier hajan pudì observar sco che trais persunas sajan idas en la fatschenta. Silsuenter sajan quellas fugidas cun in Mercedes-Benz grisch. Quest auto hajan ins vis bun in'ura pli tard en la regiun Mals en il Tirol dal Sid.

Investigaziuns marschan

La Polizia chantunala grischuna investighescha il cas communablamain cun las autoritads talianas ed austriacas sco er cun il corp da guardias da cunfin svizzer.

Terza giada

Igl è gia la terza giada che quella bischutaria è in'unfrenda da laders il 2018. L'emprima giada l'avrigl, la segunda giada il matg ed uss l'avust.

RR novitads 09:00