Siglir tar il cuntegn

Header

video
Black Friday fin e davent da la Val Müstair
Or da Telesguard dals 22.11.2018.
laschar ir. Durada: 2 minutas 40 Secundas.
cuntegn

Engiadina Black Friday era en Val Müstair

Dapi il 2009 exista el, il shop online venova.ch. Il sez da quest affar n’è betg sco usità en in lieu central, mabain en ina da las regiuns las pli perifericas da noss chantun – numnadamain en la Val Müstair.

Tut ils gronds affars ed oravant tut quels en ils centers èn pronts per il Black Friday. Quai è quel di, che valia sco il cumenzament dals affars da Nadal nua ch'ils consuments chattan divers products per pretschs reducids.

En ils Stadis Unids exista el gia da ditg – durant ils ultims onns è el er vegnì scuvrì dals affars svizzers.

audio
Bunura: Black Friday davent da la Val Müstair
ord Actualitad dals 23.11.2018.
laschar ir. Durada: 3 minutas 23 Secundas.

Empustar online – e survegnir la rauba ord la Val Müstair

Dal di che porta a bleras fatschentas ina da las pli grondas svieutas durant tut l’onn na profiteschan betg mo ils affars en ils centers, mabain era in en la Val Müstair: il shop online venova.ch.

Quai è in affar cun ragischs en il Tirol dal Sid che venda ses products sulettamain sur l’internet e quai cun success malgrà il lieu periferic. La decisiun dad insumma vegnir en la Val Müstair e stada intenziunada. Ch'il martgà Svizzer saja in martgà interessant manegia il manader da fatschenta, David Gluderer e quel martgà vul ins servir directamain ord la Svizra.

Affars virtuals na concurrenzeschan betg ils affars en val

La gronda tema ch’in tal affar pudess metter in malura las butias indigenas na saja betg sa verifitgada. Quai conferma la presidenta da l’Uniun da Mansteranza e Gastro Val Müstair, Gabriella Binkert Becchetti. Questa fatschenta na tangheschia betg il commerzi indigen ed ins haja fatg dapi l'avertura bunas experientschas cun il shop online.

Telesguard 17:40

Artitgels legids il pli savens