Siglir tar il cuntegn

Header

cuntegn

Engiadina Bogn da cura San Murezzan va via giuridica

Il bogn da cura che cumpiglia il center medicinal a San Murezzan va davant dretgira per evitar la desditga sin la fin da matg 2017. Quai scriva el en ina communicaziun a las medias. Il center medicinal che fa part dal bogn da cura stuess per gronda part bandunar las localitads e dar si il manaschi.

34 plazzas da lavur giessan a perder, hai num en la communicaziun.

A la radunanza generala dal center medicinal bogn curativ ha il manader Dr. Robert Eberhard ditg che la serrada dal center medicinal avess per consequenza ina gronda sperdita per ils pazients.

logo
Legenda: Logo dal center medicinal a San Murezzan. www.heilbad-st.moritz.ch

Veglia istorgia

Ch'il contract cun la Bäder SA scada è enconuschent gia dapi 2 onns. Finamira fiss stà da chattar ina via cuminaivla cun la Bäder SA ch'è possessura da las localitads. Enfin uss hajan ins chattà nagina via cuminaivla, scriva il center medicinal en la communicaziun.

La Bäder AG haja in concept ch'els preschentan ils 7 fanadur al cussegl da San Murezzan

audio
Saira: Bogn da cura - co enavant?
ord RTR Audio dals 20.06.2016.
laschar ir. Durada: 2 minutas 21 Secundas.

Quai ha Regula Degiacomi ditg. Ella fa part dal cussegl administrativ da la Bäder AG, sco represchentanta da la vischnanca. I saja vegni fatg studis ed in concept per in project futur saja avant maun. Sco emprim vul la Bäder AG dentant preschentar quai al di da strategia al cussegl communal da San Murezzan avant che ir a la publicitad.

RR actualitad 17:00

Artitgels legids il pli savens