Congualar cun l'onn 2019 n'è betg pussaivel, tenor il directur Claudio Duschletta. La situaziun da corona ha sfurzà il BES da prender diversas mesiras da restricziun, enfin tar la serrada totala. Ma tuttina, il BES ha fatg in deficit da 1,98 milliuns, mo 145’000 francs dapli che budgetà. Durant 12 emnas ha il BES stuì serrar las portas, ma gist durant il temp da la stagiun morta. Vegn latiers che durant la stad è il BES stà enorm bain frequentà.
Plinavant ha il chantun Grischun sustegnì cun in import il BES durant quest temp da serrada.
Gronda solidaritad davart da la vischnanca
Ils 29 zercladur 2020 ha la vischnanca da Scuol approvà quasi unanim ina contribuziun dad in milliun francs a fond perdu causa la pandemia. Ina part da quest import vegn ussa nizzegià per cuvrir il deficit.
Elegì gremi
Al cussegl administrativ fan part dal 2021 fin il 2024 Aita Zanetti, Adrian Barbüda (nov president), Christian Fanzun, Andrea Matossi ,Philipp Gunzinger, Armon Kirchen e Joachim Koppenberg.