In grond assagl n’èsi betg en il Bogn Engiadina l'emprim di d’avertura. Ma quai n'è er betg stà da spetgar actualmain, uschia il directur Claudio Duschletta. El sez ha fatg la visita ensemen cun sia dunna en il Bogn Engiadina per vesair sco che tut funcziuna, ma natiralmain era per giudair finalmain il sentiment da vacanzas.
Normalmain dastgan entrar radund 320 persunas il medem mument, ma oz dastgan entrar be 120. Tar mintga batschigl e mintga sauna statti exactamain descrit quantas persunas che dastgan entrar.
Quels giasts ch’èn preschents sa legran da pudair finalmain puspè far wellness. Las mesiras da segirezza èn cleramain descrittas e quellas vegnan era respectadas. Finalmain datti puspè in zichel libertad. Giasts dal lontan ma era indigens èn vegnids l'emprim di d’avertura.
