Siglir tar il cuntegn

Header

Navigaziun

Bova a Bondo
Legenda: La bova dal Piz Cengalo aut si sur Bondo – la disgrazia dals 23 d'avust 2017 ha custà la vita ad otg persunas. MAD, Andrea Badrutt
cuntegn

Bova Piz Cengalo Anc betg a fin: Confamigliars van avant dretgira chantunala

Avant paucs dis era vegnì enconuschent che la procura publica haja suspais l'inquisiziun tar la bova dal Piz Cengalo. Uss rapporta il schurnal regiunal SRF ch'ils confamigliars van cun il cas avant dretgira chantunala.

Ils 7 da zercladur aveva la procura publica dal Grischun sistì las inquisiziuns tar la bova dal Piz Cengalo. En quella eran sa disgraziadas il 2017 otg persunas.

Confamigliars betg d'accord

Ils confamigliars da questas otg persunas na van dentant betg d’accord cun la decisiun da la procura publica. Perquai haja l'advocat dals confamigliar inoltrà recurs cunter la decisiun tar il tribunal chantunal, di el sin dumonda dal schurnal regiunal da SRF.

Betg responsabel da laschar avert sendas

L'advocat argumentescha ch'ils spezialists sajan stads d'accord ils 14 d'avust 2017 «ch'i dettia probablamain en las proximas emnas e mais ina bova gronda, che savess arrivar fin tar las sendas da viandar a las chamonas da SAC Sciora e Sasc Furä e savess sutterrar persunas ch'èn là.»

Er sch'il mument exact na saja betg stà cler, scriva l'advocat al schurnal regiunal, saja el da l'avis ch'il na saja betg stà da responsar da laschar avert las sendas bain-frequentadas tar las duas chamonas SAC sut questas circumstanzas».

RR novitads 16:00