Bova tranter Scuol ed Ardez - La via chantunala resta serrada fin suenter Bumaun - Novitads

Bova tranter Scuol ed Ardez La via chantunala resta serrada fin suenter Bumaun

Oz a bunura hajan ils geologs constatà singulas fessas en il grip. La situaziun saja fitg labila, uschia l'Uffizi da construcziun bassa. Sco emprim stoppian ins segirar la costa. Pir suenter vegn la via rumida.

Autur: Georg Luzzi

Per il traffic han ins endrizzà in sviament sur Ardez – Ftan – Scuol. Damai che la via sur Ardez enfin Ftan è stretga, po il traffic mintgamai be passar en ina direcziun. Perquai èsi da quintar cun colonnas. Sco che Jachen Kienz, schef dal district da l'Uffizi da construcziun bassa, ha ditg envers RTR, resta quella situaziun fin suenter Bumaun uschia.

audio

Update da la bova a Scuol – Intervista cun Jachen Kienz

ord Actualitad dals 24.12.2019.

laschar ir. Durada: 2 minutas 41 Secundas.

Camiuns sur 18 tonnas na pon betg duvrar il sviament via Ardez e Ftan a Scuol. Quels ston charrar via Zernez en Val Müstair e vinavant sur il pass dal Reschen.

Radund 500 meters cubic

Glindesdi suentermezdi è ina bova da radund 500 meters cubic vegnida giu gist en vischinanza da l'hotel Scuol Palace. Immediat han ins serrà la via principala.