Siglir tar il cuntegn

Header

Navigaziun

musicants.
Legenda: Ryoto Akiyama cun il docent Brandt Attema. RTR, Selina Camichel
cuntegn

Brassweek Samedan 9'000 kilometers per vegnir a la Brassweek

La Brassweek ha lieu per l'otgavla giada a Samedan – e tar quella ha er Ryoto Akiyama la pussaivladad da prender lecziuns da musica tar docents cun renum internaziunal.

Il posaunist Ryoto Akiyama fa gia per la terza giada ils 9'000 kilometers dal Giapun a Samedan: La schanza d’exercitar cun docents uschè enconuschents sco durant quest’emna saja unica.

El è in da las 75 musicantas e musicants che derivan da 15 differents pajais. Durant l’emna datti la pussaivladad d’exercitar in lecziuns privatas, in gruppas ed i dat differents concerts las sairas.

Per sa pudair prestar l’emna e per restar sin in aut livel dals participants han studentas e students la pussaivladad da survegnir stipendis. Quai saja pussaivel er grazia il sustegn da la regiun, di il manader da la Brassweek Anton Ludwig Wilhalm, il manader da la Brassweek.

L’emna da musica dura anc fin ils 6 da fanadur. Ils dus concerts finals sun il venderdi saira ed in sonda avant mezdi sin la plazza communala a Samedan.

RR actualitad 17:10