Malgrà corona ha lieu la 10avla ediziun da la Brassweek Samedan. Las corifeas da la scena da brass dattan durant diesch dis concerts e workshops ed uschia vinavant lur savida a musicantas e musicants ambiziunads.
Return tar la normalitad
Durant l’ultim onn e mez han ils docents vis lur students be via computer. Numnadamain eran lecziuns fisicas scumandadas pervia corona. Tenor Gábor Tarkövi, in dals stars che fa part a la Brassweek, na saja quai betg stà ideal. Entant ch’ils ins hajan exercità vinavant uschè bain sco pussaivel, hajan auters laschà suenter in pau. Perquai saja el grat da puspè avair il contact direct cun las musicantas ed ils musicants.
Er per Jon Flurin Buchli da Domat, in participant da la Brassweek, è l’ultim onn stà difficil. I na saja betg adina simpel da sa motivar da sunar sulet. Tuttina giaudia el uss il contact direct e lura anc cun la crème de la crème da la scena da brass anc dapli ch'avant corona.
Ord l'archiv:
